વીર નર્મદ દક્ષિણ ગુજરાત યુનિવર્સિટી ખાતે ચાલતા ફાઇન આર્ટ્સ વિભાગમાં “એન્યુઅલ ડિસ્પ્લે”નું આયોજન 
વીર નર્મદ દક્ષિણ ગુજરાત યુનિવર્સિટી ખાતે ચાલતા ફાઇન આર્ટ્સ વિભાગમાં તા. ૨૦/૦૪/૨૦૨૪ થી તા. ૨૩/૦૪/૨૦૨૪ દરમ્યાન છેલ્લા વર્ષનાં વિધ્યાર્થીઓનાં અભ્યાસક્રમના ભાગરૂપે “એન્યુઅલ ડિસ્પ્લે”નું આયોજન નર્મદ ભવન અને આર્ટ ગેલેરી, વીર નર્મદ સાઉથ ગુજરાત યુનિવર્સિટી, સુરત ખાતે કરવામાં આવેલ છે. આ ડિસ્પ્લેનું આયોજન વિભાગના ટીચિંગ આસિસ્ટન્ટ કૃતિ પટેલ (અપ્લાઈડ આર્ટ ડિપાર્ટમેન્ટ), કૃણાલ કંસારા (સ્કલ્પ્ચર ડિપાર્ટમેન્ટ) અને દીપ્તી બાટલાવાલા (પેઈન્ટીંગ ડીપાર્ટમેન્ટ)ના માર્ગદર્શન હેઠળ કરવામાં આવેલ છે.
જેનું ઉદ્દઘાટન માનનીય કુલપતિશ્રી ડૉ. કિશોરસિંહ એન. ચાવડા અને કો-ઓર્ડીનેટરશ્રી મેહુલ પટેલનાં વરદ હસ્તે તા. ૨૦/૦૪/૨૦૨૪નાં રોજ સવારે ૧૧:૦૦ વાગ્યે કરવામાં આવેલ છે. આ ડિસ્પ્લે તા. ૨૬/૦૪/૨૦૨૪ સુધી ખુલ્લુ મૂકવામાં આવ્યું છે તો આ પ્રદર્શન નિહાળવા માટે માનનીય કુલપતિશ્રી ડૉ. કિશોરસિંહ એન. ચાવડા તરફથી જાહેર જનતાને વિનમ્ર નિવેદન..
